Өй туена котлау / Поздравления с новосельем на татарском

Адәм баласына фарыз 
Үткәрергә өч туйны: 
Кызыл туйны, бәби туен, 
Өченчесе— соңгы юлга 
Зурлап озату туен. 
Пәйгәмбәребез сөннәте— 
Үткәрергә өй туен. 
Яңа йортның нигезе 
Корычтай ныклы булсын, 
Ут-күзләрдән, явызлардан 
Фәрештәләр сакласын. 
Җаннарыгыз тыныч булып, 
Куанычы күп булсын. 
Үзегезнең нигездә 
Картаю насыйп булсын. 
Бәрәкәтле йорт булсын, 
Дусларыгыз чын булсын. 
Туганнар ныклы булсын 
Дошманыгыз юк булсын. 
Балалар иманлы булсын, 
Күңелләре саф булсын. 
Олылыйган көнегездә 
Сезгә таяныч булсын. 
Оныклар да сезнең өчен 
Олы юаныч булсын. 
Яшәгез бергә гомергә, 
Амин, ул шулай булсын. 
Яңа сауган җылы сөттәй, 
Карашлар җылы булсын. 
Бәхетегез тулы булсын, 
Яңа йорт котлы булсын.

* * *
Яңа йортның нигезе
Корычтай ныклы булсын,
Ут-күзләрдән, явызлардан
Фәрештәләр сакласын.
Җаннарыгыз тыныч булып,
Куанычы күп булсын.
Үзегезнең нигездә
Картаю насыйп булсын.
Бәрәкәтле йорт булсын,
Дусларыгыз чын булсын.
Туганнар ныклы булсын
Дошманыгыз юк булсын.
Балалар иманлы булсын,
Күңелләре саф булсын.
Олылыйган көнегездә
Сезгә таяныч булсын.
Оныклар да сезнең өчен
Олы юаныч булсын.
Яшәгез бергә гомергә,
Амин, ул шулай булсын.
Яңа сауган җылы сөттәй,
Карашлар җылы булсын.
Бәхетегез тулы булсын,
Яңа йорт котлы булсын.
* * *
Дөньяның үз җае бар — 
Барча җанның өе бар,
Өе барның сые бар,
Җырлау өчен көе бар.
 
Ходай безгә җан биргән.
Җан биргәнгә җүн биргән.
Рәхмәт безнең туганга
Бик күркәм йорт җиткергән!
 
Бусагасы алтыннан…
Егылып уңды хатыннан…
Яши белеп яши туган — 
Әүлияләр затыннан!
 
Йортта аш-су мул булсын!
Бала-чага ун булсын!
Йөзләрегез якты булсын!
Эшләрегез уң булсын!
Хуҗага саулык бирсен!
Йортка байлык иңсен!!!
* * *
Йа, Раббым, шушы өегездә бергә-бергә чөкердәшеп, гөлдерәшеп, тынычлыкта, муллыкта картаерга насыйп итсен.
“Карурманның уртасында кошлар куна куакка,
Торган өең ямьле була, дуслар килсә кунакка”.
Өегез кунаклы, ямьле, мәхәббәтле, ә якыннарыгыз олы күңелле булсын, бүлмәләрегез бала тавышына тулсын, ана кыздан, ата улдан уңсын.
Ихластан © 2017
Яндекс.Метрика